மலையாளத்தில் சக்கை போடு போட்ட கிளாஸ் மெட் படம்தான் தமிழில் நினைத்தாலே இனிக்கும் என்ற பெயரில் உருவாகிறது. மீண்டும் கோகிலா, கடல் மீன்கள் போன்ற படங்களை இயக்கி தமிழ்சினிமாவின் சிறந்த இயக்குனர்களில் ஒருவராக திகழ்ந்த ஜி.என்.ரங்கராஜனின் புதல்வர் ஜிஎன்ஆர்.குமரவேலன் இப்படத்தை இயக்குகிறார். காலேஜ் டேஸ் படத்தின் கதாநாயகன் ப்ருத்திவிராஜ்தான் இப்படத்திலும் நாயகன்.
இதுவரைக்கும் சுமார் ஐம்பது படங்களில் நடிச்சிட்டேன். என்னுடைய கேரியரில் கிளாஸ் மெட் ரொம்ப முக்கியமான படம். இந்த படத்தை தமிழில் ரீமேக் செய்கிறார்கள் என்றதும், கெடுத்திடாம இருக்கணுமேன்னு ரொம்ப கவலைப்பட்டேன். கதையின் கருவை மட்டும் எடுத்துக் கொண்டு அங்கங்கே குமரவேலன் மாற்றம் செய்யிறேன்னு சொன்னதும், நான் வேணாம்னு தடுத்தேன். ஆனால், அவர் கேட்கவில்லை. அவர் நினைத்ததைதான் எடுத்தார். இப்போது பார்த்தால் நான் அசந்து போகிற அளவுக்கு வந்திருக்கு படம் என்றார் ப்ருத்விராஜ்.
அப்பா அடிக்கடி சொல்லியிருக்காங்க, ஸ்ரீதேவி மேடம் படப்பிடிப்புக்கு சொன்ன நேரத்திலே வருவாங்க என்று. ப்ரியாமணியும் இன்னொரு ஸ்ரீதேவி மாதிரி அவ்வளவு பஞ்சுவாலிடியா இருக்காங்க என்றார் டைரக்டர் குமரவேலன். அவ்வளவுதான், ப்ரியாமணியின் முகத்தில் அப்படியொரு பரவசம். நாங்க எல்லாரும் ஷ§ட்டிங் ஸ்பாட்டிலேயும் ரொம்ப ஜாலியா அரட்டை அடிச்சிட்டு இருப்போம். எவ்வளவுதான் சிரிச்சிட்டு இருந்தாலும், ஷாட்டுன்னு வந்திட்டா, சோக காட்சிகளில் பிச்சு உதறிடுவார் ப்ருத்வி. நாங்க எல்லாருமே காலேஜ் போன மாதிரி இருந்திச்சு என்றார் ப்ரியாமணி.
படப்பிடிப்பை பற்றி நினைத்தாலே இனிக்கும் என்று இவர்கள் சொல்ல, படமே இனிக்கணும் என்ற கவலை தெரிந்தது இயக்குனரின் முகத்தில். என்னதான் மீன் குஞ்சாக இருந்தாலும், முதல் தடவையாக நீந்துகிறார் இல்லையா?
0 comments:
Post a Comment